काठमाडौं, २७ साउन
रोजगारीका लागि क्यानडा पठाइदिने भनी रकम ठगी गर्ने काठमाडौं महानगरपालिका–१४ रविभवन बस्ने ५३ वर्षीय उत्तम महर्जनलाई नेपाल प्रहरीको केन्द्रीय अनुसन्धान ब्यूरोको काठमाडौं कालीमाटीबाट पक्राउ गरेको छ ।
वैदेशिक रोजगार मुद्दामा वैदेशिक रोजगार न्यायाधिकरणको २०६८ माघ २९ को फैसलाले २ वर्ष कैद र २ लाख रुपैयाा जरिवाना ठहर भई कैद तथा जरीवाना बेरुजु रही महर्जन हालसम्म फरार रहेका थिए । उनलाई मंगलबार पक्राउ गरिएको हो ।
महर्जनले वैदेशिक रोजगारीकालागि क्यानडा पठाइदिने भनी काठमाडौं कीर्तिपुर नगरपालिका–१० बस्ने ज्ञानीछोरी महर्जन र उनका पति राजकुमार महर्जनबाट २०६५ माघ १५ गते
जनही ९ लाख ६५ हजार गरी जम्मा १९ लाख ३० हजार रुपैयाा र काठमाडौं महानगरपालिका–१० बानेश्वर बस्ने उदयपुर चौदण्डी–५ का हरि रेग्मीबाट २०६५ पुस २७ गते १५ लाख ८१ हजार रुपैयाा बराबरको रकम तमसुक कागज गरी लिएका थिए । रोजगारीको लागि नपठाई रकम ठगी गरेकाले महर्जनद्वयको मुद्धामा २० लाख २५ हजार तथा रेग्मीको मुद्धामा ९ लाख ४६ हजार ५ सय रुपैयाा बिगोसमेत भराउने गरी कैद तथा सजायको उक्त न्याधिकरणबाट फैसला भएको थियो ।
पक्राउ महर्जनलाई फैसला कार्यान्वयनको लागि ब्यूरोले काठमाडौं जिल्ला अदालतमा पेश गरेको छ ।
