काठमाण्डौ,२५ साउन ।
आन्दोलन कडा भएपछी सुर्खेतमा गोली चलेको छ । सभासद पुर्ण बहादुर खड्काको घरमा आन्दोलनकारीले तोडफोड गर्न थालेपछी प्रहरीले गोली चलाएको बताएको छ ।
प्रहरीको गोली प्रहारबाट वीरेन्द्रनगर नगरपालिका–४ का टिकाराम गौतम र यामबहादु्र बिसीको मुत्यु भएको छ । टाउमा गोली लागेर घाइते भएका दुवैलाई उपचारका लागि लैजादै गर्दा बाटैमा ज्यान गएको हो । गोली प्रहारबाट दर्जनौ घाइते भएका छन । गम्भीर घाइते ३ जनालाई उपचारका लागि काठमाण्डौ ल्याइएको छ भने ४ जनाको कोहलपुर र बाकी घाइतेको सुर्खेतमै उपचार भइरहेको छ ।
संघीयताको सीमांकनबारे असन्तुष्टि जनाउँदै सुर्खेतमा भएको प्रदर्शनका क्रममा प्रहरीले गोली चलाएको हो । सुर्खेतको प्रदर्शन अराजक बन्दै गएपछि दिउँसो १ बजेदेखि राति ९ बजेसम्म विरेन्द्रनगरमा कर्फ्यू लगाएको प्रमुख जिल्ला अधिकारी बलदेव गौतमले जानकारी दिनुभयो । अहिले पनि त्यहा हाताहातीको अबस्था छ ।
यस्तै मध्यपश्चीम टुक्रीदा समेत सभासद निदायको भन्दै क्षेत्र नं २ का सभासद हृदयराम थानीको घरमा पनि तोडफोड भएको छ । आन्दोलनमा मध्यपश्चीमका जाजरकोट,कालीकोट,दैलेख लगाएत जिल्लाका जनताको सहभागीता रहेको छ ।
कर्णालीका पाँच जिल्लासहित भेरीका सुर्खेत, जाजरकोट र दैलेखलाई सुदूरपश्चिमको क्षेत्रमा पारिएको भन्दै आन्दोलन घोषणा भएको हो । बन्दमा जिल्लाका सबै राजनीतिक दल, संघसंस्था तथा स्थानीयले समर्थन गरेका छन् । बन्दका कारण यातायात, बजार र शिक्षणसंस्था ठप्प छन् । मध्यपश्चिमलाई अखण्ड भएको घोषणा नभएसम्म आन्दोलन नरोकिने संघर्ष समितिले चेतावनी दिएको छ ।
