काठमाण्डौ ,२४ साउन ।
मुख्य चार दलले मध्यराती सीमांकनसहितको ६ प्रदेशमा सहमती गरेपछि चौतर्फि बिरोध सुरु भएको छ ।
प्रमुख दलहरुले सीमांकनसहितको ६ प्रदेशमा सहमति गरेपछि आदीबासी जनजाती ,राप्रपा नेपाल र मधेश केन्द्रित दलले ६ प्रदेशको संघियतासहितको संबिधान पनि अस्वीकार गर्ने भन्दै बिरोध जनाएका छन् । चार दलले मध्य रातमा आफ्नो स्वार्थका आधारमा ६ प्रदेशमा सहमती गरी हस्ताक्षर गरेको भन्दै उनीहरुले बिरोध जनाएका हुन् ।
उनीहरु सीमांकनमा असहमति जनाउँदै पहिचानसहितको संघीयता हुनु पर्ने माग गरेका छन ।
सीमांकनलाई लिएर सदभावना पार्टींले संविधानसभा छाड्ने निर्णय गरेको छ । सह अध्यक्ष लक्ष्मण लाल कर्णले संविधानको अन्तिम मस्यौदा आएपछि संविधानसभा छाड्ने निर्णय भएको जानकारी दिनुभयो ।
मधेसी जनअधिकार फोरम नेपालका अध्यक्ष उपेन्द्र यादवले ६ प्रदेशको सीमांकन आफूहरुलाई स्विकार्य नहुने भन्दै यसका विरुद्ध आन्दोलनमा उत्रने चेतावनी दिनुभयो ।
जनताको सुझाव संकलन बहिस्कार गरेका मधेशी लगायतका साना दलले ६ प्रदेश कुनै हालतमा स्वीकार नगर्ने बरु आन्दोलनमा जाने चेतावनी दिएका छन् ।
६ प्रदेशको सहमतिमा सहमती जनाउनु मृत्युपत्रमा हस्ताक्षर गरेको सरह ठहरिने भन्दै मधेश केन्द्रित दलफोरम लोकतान्त्रिकका सभासदहरूले यो कुनै हालतमा मान्य नहुने अडान लिएका छन् ।
सहमतिको बिरोध गर्दै राप्रपा नेपाल र मधेस केन्द्रित ४ दलले आईतवारको संवाद समितिको बैठक पनि बहिष्कार गरेका छन् ।
सहमति अनुमोदन गर्न बसेको संवैधानिक राजनीतिक संवाद तथा सहमति समितिको बैठक बहिष्कार गरेका हुन् । रातारात सहमति गरेर अध्ययन गर्ने मौका पनि नदिइएको र आफूहरुको माग नसमेटिएको भन्दै ती दलले बिरोध गरेका हुन् ।
संघिय समाजवादी फोरम संसदीय दलका नेता असोक राईले ६ प्रदेश आफुहरुलाई मान्य नहुने भन्दै आफुहरु बरु आन्दोलनमा जाने बताउनु भयो ।
यसैबीच , वैद्य नेतृत्वको नेकपा माओवादीले पनि नया संबिधानको बिरोध गर्ने भएको छ । माओवादी उपाध्यक्ष सिपी गजुरेलले मस्यौदा नै प्रतिगामी भएको पुस्टि भएको भन्दै मधेशी र जनजाती पार्टिहरुसँगको कार्यगत एकता अझ बलीयो बनाएर संबिधानका बिरुद्धमा आन्दोलन गर्ने बताउनु भयो ।
यो पनि पढ्नुस्
मध्यरातमा भयो ६ प्रदेशमा सहमती , सबै प्रदेश भारतसँग जोडिने (पूर्ण पाठ सहित)
