काठमाण्डौ,२४ साउन ।
लगातारको बन्दका कारण सुदूरपश्चिमको जनजिवन प्रभाबित भएको छ । दोहोरो बन्दका कारण त्यसक्षेत्रको जवजीवन प्रभाबित भएको हो ।
बन्दको बढी प्रभाव कैलाली, कञ्चनपुरमा देखिएको छ । सिमांकनसहितको संघीय संरचना बनाउँदा सुदूरपश्चिमलाई अखण्ड राख्न गरिएको माग दलहरुले सम्बोधन गरे पछि अखण्ड सुदूरपश्चिम आन्दोलन परिचालन समितिले भने आमहडताल फिर्ता लिएको छ ।
शीर्ष दलका नेताहरुबीच सुदूरपश्चिम अखण्ड राख्नेगरी मध्यपश्चिमका केही जिल्लासहित एक प्रदेश बनाउने सहमति भएपनि आमहडताल फिर्ता लिएको समितिका संयोजक गोपाल देउवाले जानकारी दिनुभयो । आमहडताल फिर्ता लिएपनि आन्दोलनका कार्यक्रम भने जारी रहने उहाँले बताउनुभयो । यस्तै, थरूहट÷थारूवान संर्घष समिति र हिन्दू राष्ट्र संघर्ष समितिले भने बन्द जारी राखेका छन ।
कैलाली–कञ्चनपुरलाई थरुहट राज्यमा समाबेश नगरिएसम्म बन्द जारी राखिने थरूहट÷थारूवान संर्घष समितिले जनाएको छ । नेपाललाई हिन्दू राष्ट्र घोषणा नगरुन्जेलसम्म बन्दका कार्यक्रम फिर्ता नलिइने हिन्दू राष्ट्र संघर्ष समितिका संयोजक हरि रेग्मीले बताउनुभयो । हिन्दू राष्ट्र घोषणाको माग गर्दै आज धनगढीमा माईकिङ पनि गरेका छन् । तीन दिनदेखिको लगातारको बन्दका कारण यस क्षेत्रका जनजीवन कष्टकर बन्दै गएको छ ।
