काठमाडौ २३ साउन ।
प्रदेशको सिमांकनमा रहेको विवादमा सहमति जुटाउन नसकेपछि केही दिन यता निरन्तर छलफलमा जुटिरहेका प्रमुख दलहरुबीच आज पनि छलफल जारी राखेका छन् ।
आगामी साउन मसान्त सम्ममा संविधान जारी गर्ने तयारीमा रहेका दलहरुबीच मुख्य विवादित विषय प्रदेशको सिमांकन र नमांकनमा सहमति जुट्न बाँकी रहेको छ । दलहरुबीच सहमति जुट्न नसकेपछि हिजोका लागि बोलाइएको संविधानसभा बैठक पनि बस्न सकेन ।
चार दलका शीर्ष नेता सम्मिलित संवैधानिक राजनीतिक संवाद तथा सहमति समिति अन्तगर्तको विषेश समितिको बैठकमा कुनै सहमति नभएपछि संवाद समितिले नागरिकका सुझाव सहितको प्रतिवेदन तयार पार्न नसकेपछि बैठक बस्न नसकेको हो ।
यसैबीच संवैधानिक राजनितिक सम्वाद तथा सहमति समितिको बैठक पनि आजै बस्दैछ । दिउँसो १ बजे बस्ने समितिको बैठकमा नागरिकको सुझाव सहितको प्रतिवेदन तयार पारी सभाध्यक्षलाई बुझाउने तयारी भएको सभापति डा. बाबुराम भट्टाराईले जानकारी दिनुभयो ।
