काठमाण्डौ, १९ साउन ।
व्यवस्थापिका–संसद्को आजको बैठकको शून्य समयमा सांसदले आ–आफ्ना निर्वाचन क्षेत्रका विकासका समस्या र त्यस निम्ति सरकारले पर्याप्त रकम विनियोजन नगरेको गुनासो गरेका छन् ।
उनीहरुले भूकम्प, बाढीपहिरोबाट पीडित भएकालाई राहत रकम वितरणमा भएको विलम्ब, प्राकृतिक विपत्तिबाट पालमा बसेकाहरूको कष्टकर जीवन र त्यहाँ फैलिएको झाडा, टाइफाइडलगायत रोगको निःशुल्क उपचारको व्यवस्था, काठमाडौँ उपत्यकाका भूकम्पबाट जोगिएका जीर्ण पुरातात्विक सम्पदाको संरक्षणका विषयमा सदन र सरकारको ध्यानाकर्षण गराएका छन् ।
सत्ता साझेदार दल नेकपा एमाले सांसदले चालु आर्थिक वर्षको बजेटको विरोध गरेका छन् भने सत्तापक्षका विधायकले त्यसको समर्थन गरेका छन् ।
केही सांसदले बाजा बजाएर चीनबाट ल्याइएका जहाज थन्किएकामा चिन्ता व्यक्त गर्दै छानबिनको माग गरे भने केहीले भैँचालोपछिको पुनःनिर्माण एवम् नवनिर्माणका लागि पुनःनिर्माण प्राधिकरण गठन नभएकामा सरकारको आलोचना गरेका छन् ।
