कठमाण्डौ, १९ साउन ।
जनयुद्धकालमा मारिएकालाई सहिद घोषणा तथा बेपत्ताहरुको तत्काल छानबिन गर्न आफन्तहरुले माग गरेका छन् ।
काठमाण्डौ अनामनगरस्थित संवाद डबलीमा आयोजित “जनयुद्ध, शान्तिप्रकृया, प्रभावित आवाजहरु र आयामहरु” विषयक अन्तक्रियामा सहभागी पिडित परिवारका सदस्यले यस्तो बताएका हुन् । जनयुद्धपछि शान्ति प्रकया भएको लामो समय भईसक्दा पनि मृतक र बेपत्ताहरुबारे सरकार र सम्बन्धित निकाय मौन रहेको उनीहरुले आरोप लगाएका छन् ।
१० बर्षे जनयुद्धकालमा २ छोरा गुमाएकी कबिता बोगटीले न त छोराहरुको लास न त सरकारबाट आश नै पाईयो भन्दै दुखेसो पोख्नुभयो । मृतक तथा बेपत्ताहरुका लागी सरकारले बिभिन्न आयोग गठन गरेपनि पिडितलाई कुनै राहत नभएको बताउनुभयो । उहाँले आफुजस्ता पिडितहरुले कहिले राहत महशुस गर्ने भन्दै प्रश्न समेत गर्नुभयो ।
जवाफमा बेपत्ता छानबिन आयोगका अध्यक्ष लोकेन्द्र मल्लिकले आफुहरुले मृतक र बेपत्ताहरुको छानबिनका लागी अधिक प्रयास गरिरहेका बताउनुभयो । मल्लिकले मृतक र बेपत्ताहरुका लागी आयोगहरुले मात्र केही गर्न नसक्ने भन्दै सरकारले आवश्यक सहयोग नगरेको बताउनुभयो ।त्यस्तै राष्ट्रिय मानव अधिकार आयोगका अध्यक्ष अनुपराज शर्माले मृतक र बेपत्ताको छानबिनका लागी बिभिन्न संयन्त्र परिचालन गरिएको बताउनुभयो । उहाँले आफुहरुको मिशनमा आफन्त लगायत सम्पर्ण क्षेत्रले सहयोग गर्न आग्रह गर्नुभयो ।
त्यस्तै अन्य सहभागी नागरिककर्मि डा. सुन्दरमणी दिक्षित, अधिवक्ता एकराज भण्डारी लयायतले आयोग स्वतन्त्र रहेको तर बेपत्ता सम्बन्त्रि ऐन भएपनी नियमावली नभएकोमा असन्तुष्टि पोख्नुभएको थियो । कार्यक्रममा आयागले द्धन्दकालमा मारिएका र बेपत्ता भएका नेपालका ७३ जिल्लामध्ये २० जिल्लामा पिडितसंग भेटघाट, हालको राहतबारे धारणा लिनुका साथै साउनभित्र मृतक र बेपत्ताबारेको कार्यप्रगति सहितको प्रतिवेदन सरकारलाई बुझाउने जानकारी गराईएको थियो ।
