काठमाडौं, १९ साउन ।
भक्तपुरमा प्रत्ष्येक बर्ष बलात्कारका घट्नामा बृद्धी हुदै गएको पाइएको छ । महानगरीय प्रहरी परिषर भक्तपुरले गएको दुई वर्षको दाजोमा यस वर्ष बलात्कारका घट्नामा बृद्धी भएको जानकारी दिएको हो ।
प्रहरी नायव उपरीक्षक श्यामकृष्ण अधिकारीका अनुसार आर्थिक वर्ष ०६९ र ०७० मा १५ वटा बलात्कार र २ वटा बलात्कारको उद्योग सम्बन्धी घट्ना भएको भक्तपुरमा आर्थिक वर्ष ०७० र ०७१ मा बलात्कारको घट्ना १५ वटा र बलात्कार उद्योग ३ वटा घटना भएका छन ।
तर आर्थिक वर्ष ०७१ र ०७२ मा भने बलात्कारका १९ वटा घटना घटेको र ९ वटा बलात्कार प्रयासका घटना भएको भन्दै अधिकांश घटना चिनजानको व्यक्तिबाटै भएको र दुई जना बालिकालाई ललाई फकाई बलात्कार गरेको भेटिएको प्रहरीले जनाएको छ ।
प्रहरीका अनुसार पटक पटक यौन सम्बन्ध भएपछि दुई जनाबीच असमझदारी भएपछि बलात्कार भएको उजुरी आएपछि कतिपयलाई कारबाही प्रक्रिया अगाडि बढाएको छ ।
