काठमाण्डौ,१८ साउन ।
प्रमुख दलका शीर्ष नेताहरुले सीमांकनसहितको संविधान साउन मसान्तभित्रै जारी हुने दाबी गरेका छन । सिमांकनमा रहेका बिबादका बिषयमा छलफल गर्न सिंहदवारमा बसेको जतिसक्दो छिटो बिबाद सकेर संबिधान जारी गर्न लाग्नुपर्ने बताएका छन ।
बैठकपछि सञ्चारकर्मीसँग कुरा गर्दै शिर्ष नेताहरुले १६ बुँदे सहमतिको आधारमा सीमांकनसहितको संविधान जारी हुने बताएका छन । एमाओवादी अध्यक्ष पुष्पकमल दाहालले सीमांकनका बिषयमा सकेसम्म आजै सहमति हुने भन्दै १६ बुँदे सहमतिकै आधारमा संविधान जारी गर्ने बताउनु भयो ।
यस्तै सम्बाद समितिका सभापति डा बाबुराम भट्टराईले बिबादका बिषयमा सहमती जुटाउन आफूहरु लागिपरेको बताउनु भयो । मधेसी जनअधिकार फोरम लोकतान्त्रिकका महासचिव जितेन्द्र देवले १६ बुँदे र जनताको भावनाअनुसारै संविधान जारी हुने दाबी गर्नुभयो ।
छलफलमा एमाले अध्यक्ष केपी शर्मा ओली, नेपाली कांग्रेसका उपसभापति रामचन्द्र पौडेल, कृष्णप्रसाद सिटौला, फोरम लोकतान्त्रिकका अध्यक्ष विजयकुमार गच्छदार लगायतका नेताहरु उपस्थिति हुनु भएको थियो । बैठक आजै पुनः बस्ने जनाइएको छ ।
