काठमाडौं, १८ साउन ।
प्रधानमन्त्री सुशील कोइरालाले नया संविधानमा सबैका हकहित सुनिश्चित हुने दाबी गर्नुभएको छ ।
प्रधानमन्त्री निवास बालुवाटारमा ३३ दलिय मोर्चाले बुझाएको ज्ञापनपत्र बुझ्दै प्रधानमन्त्री कोइरालाले संबिधानमा सबैका माग समिटिने भन्दै संविधान निर्माण कार्यमा अबरोध नगर्न आग्रह गर्नुभयो ।
उहाले सबै जातजाती, धर्म र भाषाभाषीको साझा संविधान साउन मसान्त्तभित्रै जारी गर्ने दाबी पनि गर्नुभएको छ । एक फरक प्रसंगमा बोल्दै प्रधानमन्त्री कोइरालालले नेपाली भूमिमाथि हुने हस्तक्षेप कुनै हालतमा स्वीकार्य नहुने बताउनु भयो ।
३३ दलिय मोर्चाले नेपालको क्षेत्रफल घट्ने गरी जारी हुने संविधान आफूहरुलाई मान्य नहुने भन्दै ज्ञापनपत्र बुझाएको हो । मोर्चाले राजनीतिक परिवर्तन नेपाली जनताको मर्म र भावनाको प्रतिनिधित्व हुन नसकेको भन्दै सर्वपक्षीय राष्ट्रिय राजनीतिक सभा गर्न माग गरेको छ ।
