काठमाडौं, १८ साउन ।
वातावरण विभागले उपत्यकामा भूकम्पपछि रोकिएको प्लास्टिक झोला निषेध गर्ने अभियान फेरि सुरु गरेको छ ।
विभागका वातावरण निरीक्षकको समूहले हिजो बजार अनुगमन गरेको छ । अनुगमनका क्रममा ९० किलो प्लास्टिक जफत गरिएको विभागले जनाएको छ ।
विशालनगर क्षेत्रका ५० वटा पसलबाट ३५ किलो, न्युरोड, असन क्षेत्रका २५ पसलबाट १५ किलो, मित्रपार्क, चाबहिल क्षेत्रका ३० पसलबाट ३५ किलो र माछापोखरी, बालाजु क्षेत्रबाट पाँच किलो प्लास्टिक झोला जफत गरिएको हो ।
संसद्को वातावरण संरक्षण समितिको ९ भदौ ०७१ को निर्देशनअनुसार १ वैशाखदेखि उपत्यकामा प्लास्टिक झोला निषेध अभियान चलाइएको थियो । भूकम्पपछि रोकिएको अनुगमन १४ साउनबाट फेरि सुरु गरिएको विभागका उपमहानिर्देशक सुरेन्द्र सुवेदीले जानकारी दिनुभयो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
