काठमाडौं,१७ साउन ।
जनताले दिएको सुझावको आधारमा मस्यौदा परिमार्जन गर्न आजसम्मको समय पाएको संवैधानिक राजनीतिक संवाद तथा सहमति समिती निर्धारीत समयभित्र काम पुरा गर्न असमर्थ भएको छ ।
आज बसेको समितिको बैठकमा समिति सभापति बाबुराम भट्टराईले विवाद समाधानकालागि गठित विशेष समितिमा शीर्षनेताबीच सिमाकंन र नामाकंनसहितको संघीयता जारी गर्ने विषयमा छलफल जारी रहेकाले अर्को सुचना जारी नभएसम्म बैठक स्थगित भएको जानकारी गराउनु भएको थियो ।
भट्टराईले जनताबाट आएका सुझावलाई परिमार्जन गर्न थप समय आवश्यक पर्ने भन्दै समय थपका लागि संविधासभासँग आग्र्रह गर्ने बैठकमा बताउनु भएको थियो ।
समितिको बैठकमा कार्यदलका संयोजक भीम रावलले प्रतिवेदन बुझाउनु भएको छ । समितिको बैठकमा एमाले सभासदले भने सभापति भट्टराईले संविधान जारी गर्ने कार्यतालिका प्रभावित पार्ने गर संविधानसभा नै तुहाउने षड्यन्त्र गरेको आरोप लगाउनुभयो ।
