काठमाण्डौ,१७ साउन ।
राष्ट्रिय मानव अधिकार आयोगले नवलपरासीमा बालकलाई बलि दिइएको घटनालाई क्रुर र जघन्य अपराध भन्दै यस्ता पाशविक कार्य नियन्त्रण गर्न सशक्त कानून बनाउन सरोकारवालाको ध्यानाकर्षण गराएको छ ।
आयोग प्रवक्ता मोहना अन्सारीले आज प्रेस विज्ञप्ति निकालेर मौजुदा कानूनहरुलाई समय सापेक्ष परिमार्जन गर्न ध्यानाकर्षण गराउनु भएको छ । अपराधमा संलग्न व्यक्तिहरुलाई कानून बमोजम अधिकतम सजाय हुनुपर्ने तथा मृतकका घरपरिवार ज्याला मजदुरी गर्ने भएकाले तत्काल राहत र क्षतिपूर्ति स्वरुप उचित रकम उपलब्ध गराउन आयोगले सरकारलाई आग्रह गरेको छ ।
नवलपरासीको कुडिया गाविस ४ का कोदाई हरिजनका बिरामी छोरा विजयको उपचारका लागि नर बलि आवश्यक परेको भन्दै कोदाई हरिजन र झााक्रीहरुले मर्चहवाका शिवमंगल कोहारका १० वर्षीय छोरा सोनु भनिने जीवन कोहारको घााटी रेटी हत्या गरेका थिए ।
