काठमाडौं, १५ साउन ।
ब्यबस्थापिका संसदको अन्तराष्टिय सम्बन्ध तथा श्रम समितिले परराष्ट्र मन्त्रालयमा हुने गरेका त्रुटि र कमजोरी सुधार गर्न निर्देशन दिएको छ । सिहदरबारमा आज बसेको समितीकोे बैठकले अबका दिनमा परराष्ट्र मन्त्रालयमा हुने गरेका त्रुटि र कमजोरीमा सुधार आउनु पर्ने भन्दै यस्तो निर्देशन दिएको हो ।
समितीको बैठकमा बोल्दै परराष्ट्र मन्त्री महेन्द्र बहादुर पाण्डेले अबका दिनमा राजदूत नियुक्ति व्यक्तिको क्षमताको आधारमा गरिने बताउनु भएको छ । राजनीतिक नियुक्तिको आधारमा हुने राजदूत नियुक्तिले कुटनीतिक सम्बन्ध बिग्रँदै गएको भन्दै उहाले व्यक्तिको क्षमता हेरेर मात्र नियुक्ति गरिने दाबी गर्नुभयो ।
मन्त्री पाण्डेले विदेशमा रहेका नेपालीको हक, हित र त्यहाँको कुटनीतिक सम्बन्ध विस्तार राजदूतको मुख्य कर्तव्य भए पनि अहिलेसम्म त्यसो हुन नसकेको स्वीकार गर्नुभयो । बैठकमा राजदूत नियुक्तिमा भएको ढिलाइ र पासपोर्ट छपाइबारे समितिका सदस्यहरुले आ–आफ्नो धारणा राखेको थिए ।
