काठमाण्डौ,१५ साउन ।
बैशाख १२ गते गएको बिनासकारी भुकम्पले चिराचिरा भएको जमिनमा पानी छिरेपछि उत्तरी गोरखाको अधिकांश क्षेत्रमा पहिरो गएको छ । पहिरोले खासै असर नपुयाएपनि स्थानिय बासी ठुलै पहिरो आउन्छ कि भन्ने डर र त्रासमा रहेका छन ।
गोरखाको सिर्दिवास, काशीगाउँ, केरौँजा, उहिया, लापु, थुमी, गुम्दा, लाप्राक र बारपाक क्षेत्रमा पहिरोको उच्च जोखिम रहेका छन । भूकम्पपछि चिरा परेको जमिनमा पानी परेपछि जुनसुकै बेला पनि पहिरो झर्न सक्ने र गाउँ पुर्न सक्ने भएकाले स्थानियहरु चिन्तीत भएका छन ।
भूकम्पपछि झरेको पहिरो पन्छाउन नसक्दा सेना, सशस्त्र प्रहरीले केरौँजा हुँदै सिर्दिवासको जगतबजार जोड्ने गोरेटो बाटो खुलाएका थिए । तर, नयाँ खोलेको बाटोभरि पहिरो झरेकाले हिँड्न सक्ने अवस्था नरहेको स्थानिय बासीको भनाई छ ।
भारी बर्षाभएपछि तिब्बतसँग सिमाना जोडिएको उत्तरी गोरखाको चुम्चेत गाविसमा नुनको अभाव भएको छ । नुनको अभाबमा स्थानिय बासीहरु अहिले बिना नुनकै तरकारी खान बाध्य भएका छन ।
