काठमाडौं,१४ साउन ।
प्रधानमन्त्री सुशील कोइरालाले जनचाहाना अनुसारको संविधान आउने भएकाले संबिधान निर्माण कार्यमा अबरोध नगर्न आग्रह गर्नुभएको छ ।
बालुवाटारमा ख्रिस्चियन महासंघले बुझाएको ज्ञापनपत्र लिँदै प्रधानमन्त्री कोइरालाले जनचाहाना अनुसारको संविधान आउने भएकाले संबिधान निर्माण कार्यमा अबरोध नगर्न आग्रह गर्नुभयो ।
विगतमा राणाशासन र राजतन्त्र हटाएर मुलुक काँचुली फेर्छ भन्दाभन्दै लामो समय बितिसकेकाले अब पनि संविधान जारी नभए देश पुनः द्वन्द्वमा जाने भएकाले संबिधान निमार्ण प्रक्रियामा अबरोध गर्नुनहुने उहाको भनाई छ ।
प्रधानमन्त्री कोइरालाले धर्मका लागि कसैलाई पनि जोरजबरजस्ती गर्न नसकिने भएकाले सबैका भावना संविधानमा सम्बोधन गरिने दाबी गर्नुभयो । यसैगरी किसान मुक्ति समाज नेपालले पनि किसानमैत्री संविधान जारी गर्न माग गर्दै पनि प्रधानमन्त्रीलाई ज्ञापनपत्र बुझाएको छ ।
