काठमाडौ १३ साउन । आज विश्व बाघ संरक्षण दिवस ।
नेपालमा पनि बन्यजन्तु संरक्षणका क्षेत्रमा काम गर्ने विभिन्न संघसंस्थाले विविध कार्यक्रमको आयोजना गरी मनाइदैछ ।
संसारबाट घट्दै गएको बाघको संरक्षण तथा संख्या वृद्धिका लागि सहयोग पुर्याउने उद्देश्यले हरेक वर्ष जुलाई २९ तारिखमा बाघ संरक्षण दिवस मनाउने गरिन्छ ।
नेपालको बाँके, बर्दिया, कञ्चनपुरको शुल्काफाँट, चितवन, सिन्धुलीको चुरे क्षेत्रमा मात्रै बाघ पाइन्छ । बाघको छाला, हाड, मासु, दाँत र नंग्रा महंगोमा बिक्री हुने भएकाले पछिल्लो समय चोरी शिकारी बढेको छ ।
पछिल्लो सय वर्षको अवधिमा संसारभर बाघको संख्या ९७ प्रतिशतले घटेको बताइएको छ । २०१३ को तथ्याङ्क अनुसार नेपालमा बाघको संख्या १ सय १९ रहेको राष्ट्रिय प्रकृति संरक्षण कोषका सूचना अधिकृत नुमराज खनालले जानकारी दिनुभयो ।
हाल नेपालमा शुक्लाफाँट वन्यजन्तु आरक्षण, बर्दिया, बाँके तथा चितवन राष्ट्रिय निकुञ्ज र पर्सा वन्यजन्तु आरक्षणमा गरी १ सय ९८ बाघ रहेका छन् ।
