७ श्रावण काठमाण्डौं । नेपाली भूमि लिपुलेकलाई व्यापारीक नाका बनाउने भारत र चीनबीचको सम्झौता, चार दलबीचको १६ बुदे सहमति एवं भूकम्प पीडितहरुको राहतमा भएको अनियमितता र भ्रष्टाचार रोक्नु पर्ने भन्दै विप्लव माओवादीले साउन ८ गतेको नेपाल बन्द सफल पार्न भन्दै सो पार्टीका कार्यकर्ताहरुले आज साझ देशका विभिन्न जिल्लाहरुमा मशाल बालेको छ ।
यस क्रममा ठाउ ठाउमा माओवादी कार्यकर्ता र प्रहरीबीच झडप भएको छ । वुटलवमा भएको झडपमा ६ जना माओवादी कार्यकर्ता घाईते भएका छन् ।
यस्तै लम्जुङबाट ७ जना , ललितपुरबाट २ जना र सिन्धुलीबाट २ जना माओवादी कार्यकर्तालाई प्रहरीले पक्राउ गरेको छ ।
यसै गरी झापामा प्रहरी र मशाल जुलुश निकाल्ने माओवादी कार्यकर्ताहरुबीच झडप भएको छ । झडपमा आधा दर्जन माओवादी कार्यकर्ता घाईते भएका छन् । ४ जनालाई प्रहरीले पक्राउ गरेको माओवादीले जनाएको छ ।
उता जुम्लामा पनि सामान्य झडप भएको खबर छ ।
काठमाण्डौं, ललितपुर, भक्तपुर, काभ्रे, सिन्धुपालचोक, नवलपरासी, रुपन्देही चितवन , मकवानपुर, सर्लाही, महोत्तरी, धनुषा , झापा, ताप्लेजुङ, कैलाली, रोल्पा, प्युठान लगायत धेरै जसो जिल्लामा माओवादी कार्यकर्ताहरुले मशाल बालेको हाम्रा सवाददाताहरुले जनाएका छन् ।
