पोखरा, ४ साउन ।
नयाँ संबिधान र्निमाणको लागि भन्दै सभाषदहरु जिल्लामा प्रबेश गरेको बेला संबिधानसभाको बहिस्कार गरेको नेकपा माओबादी र अन्य दलहरुले संबिधानको मस्यौदा जलाउन थालेका छन ।
अहिलेको संबिधानको मस्यौदाले जनताको कुनै पनि मागको संबोधन गर्न नसक्ने भएकाले बहिस्कार गरेको बिपक्षी दलहरुले जिकिर गरेका छन ।
पोखरामा पनि आज सुझाव संकलन कार्यक्रमको आयोजना गरिएको छ । पोखरा सभागृहमा आयोजना गरिएको सुझाव संकलनमा कास्की जिल्लाका सभाषदहरुको सहभागिता रहनेछ ।
सुझाव संकलनको बिप्लव नेतृत्वको नेकपा माओबादी,बैद्य माओबादी र संघिय समाजबादी फोरम नेपालले बिरोध गरेको छ।
अहिलेको संबिधानले जनआन्दोलन र बिभिन्न खाले आन्दोलनको भावनाको संबोधन गर्न नसकेकोले आफुहरुले यो संबिधानलाई स्वीकार गर्न नसकेको ससफोका कास्की जिल्ल अध्यक्ष दिपक तामाङ्गले बताए ।
यो संबिधानले उत्पीडीत जाती ,धर्म र समुदायका मानिसहरुको प्रतिनिधित्व गर्न सक्दैन , त्यसैले परिबर्तनको बिपक्षमा रहेको प्रतिगामी संबिधान लाई अस्वीकार गर्न उनले सबैलाई अनुरोध गरेका छन ।
आज हुने संबिधान मस्यौदाको सुभाव संकलन कार्यक्रम स्थल पोखरा सभागृहमा बिरोध कार्यक्रम राखिएको तामाङ्गले बताए ।
कार्यक्रम स्थलमा बिपक्षी दलहरुले कालो झण्डा देखाउने कार्यक्रम राखेको बुझिएको छ ।
