काठमाण्डौ, ३० असार ।
भारत भ्रमणमा रहनुभएका एकीकृत माओवादी अध्यक्ष पुष्पकमल दाहाल प्रचण्डले भारतीय विदेशमन्त्री सुष्मा स्वराजसँग भेटवार्ता गर्नुभएको छ ।
भेटघाटको क्रममा प्रचण्डले प्रमुख चार राजनीतिक दल वीच भएको १६ बुँदे सहमतिका आधारमा अघि बढेको संविधान निर्माण प्रक्रियालाई निष्कर्षमा पुर्याउने विषयमा छलफल गनुभएको थियो ।
त्यसैगरी भारत,चीन र नेपालका वीचमा त्रिदेशीय रणनीतिक साझेदारी विकास गर्न ठोस र मूर्त छलफल अघि बढाउने, भारत र चीन वीच भएको सम्झौतामा उल्लेख गरिएको लिपुलेकसहित दुई मुलुक वीचका सीमा विवाद विषयमा पनि छलफल भएको बताइएको छ ।
प्रचण्ड र भारतीय प्रधानमन्त्री नरेन्द्र मोदीसँगको भेटवार्ताको समय अझै तय भएको छैन । तर मोदीसँग पनि भेटवार्ता हुने प्रचण्डको निजी सचिवालयले जनाएको छ ।
दिल्ली प्रस्थान गर्नुअघि प्रचण्डले भारत भ्रमणमा आफूले पाँचवटा एजेन्डा उठाउने बताएका थियो ।
