काठमाण्डौ,२९ असार ।
युवा संघ नेपालले उपाध्यक्ष दिलु पन्त र सचिव नरेश शाहीलाई संगठनबाट निलम्बन गरेको छ । निरु पालको अध्यक्षतामा बुद्धनगरमा बसेको स्थायी कमिटीको बैठकले अर्को निर्णय नहुँदासम्मका लागि निलम्बन गरेको हो ।
प्रवक्ता प्रभात कटुवालद्वारा जारी प्रेस विज्ञप्तिमा भनिएको छ । विगत लामो समयदेखि अराजकता, उदण्डता साथै संघको विधान, मूल्य, मान्यताविपरीत गतिविधि सञ्चालन गरेको हुँदा अर्को निर्णय नहुन्जेलसम्मका लागि संघका उपाध्यक्ष दिलकुमारी पन्त र सचिव नरेश शाहीलाई निलम्वन गरीएको हो ।
केही समय अघि तत्कालीन अध्यक्ष मधेश बस्नेतले उपाध्यक्ष निरु पाललाई अध्यक्षको जिम्मेवारी दिएपछि उपाध्यक्ष पन्तले आफू बरिष्ठ उपाध्यक्ष भएकाले आफू अध्यक्ष पाउनुपर्ने माग गर्दै आएपछि दुइ नेत्रीबिच बिबाद भएको थियो । पछिल्लो समय दुबै नेतृवीच विवाद मिलेको बताइएको थियो ।
