काठमाडौं, २३ असार ।
नेपाली बजारमा केही दिनदेखि सुनको मूल्य घट्दै आएको छ । हिजोे तुलनामा आज सुनको मूल्यमा प्रतितोला तीन सय रुपैयाँ कमी आएको छ ।
आज छापावाल सुन प्रतितोला ५० हजार पाँच सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
हिजो छापावाल सुनको मूल्य प्रतितोला ५० हजार आठ सय रुपैयाँ थियो । सोमबार भने छापावाल सुनको मूल्य ५१ हजार रुपैयाँ प्रतितोला थियो ।
त्यसैगरी सोमबार ५० हजार साय सय ५० रुपैयाँ प्रतितोलामा कारोबार भएको तेजाबी सुन मंगलबार ५० हजार पाँच सय ५० हुँदै बुधबार ५० हजार दुई सय ५० रुपैयाँ प्रतितोलामा कारोबार भइरहेको महासंघले जनाएको छ ।
एकसाता देखि स्थिर रहेको चाँदीको मूल्य भने बुधबार प्रतितोला २० रुपैयाँले कमी आएको छ । बुधबार नेपाली बजारमा चाँदी प्रतितोला ६६५ रुपैयाँमा कारोबार भइरहेको छ । यसअघि एक सातासम्म मूल्य स्थिर रहँदै चाँदी प्रतितोला ६८५ रुपैयाँमा कारोबार भएको थियो ।
