काठमाडौं,२१ असार ।
काठमाण्डौ र बाकेमा आज भएको सवारी दुर्घटनामा २ जनाको मृत्यु भएको छ । काठमाडौं सतुंगलमा भैसीको बथानसँग मोटरसाइकल ठोक्किएर बा.२६ प ४७ ३७ नम्वरको मोटरसाइकल चालकं सानोभ¥याङ बस्ने ३० बर्षीय सुजन धमलाको मृत्यु भएको छ ।
उनको उपचारका क्रममा शहिद मेमोरियल अस्पताल कलंकीमा मृत्यु भएको थियो । धमलासँगै घाइते भएका धादिङ कल्याणपुर–९ बस्ने ४० बर्षीय मदन सिंखडाको सोही अस्पतालमा उपचार भइरहेको प्रहरीले जनाएको छ ।
यस्तै बाँकेमा बिहान भएको सवारी दुर्घटनामा एक जनाको मुत्यु भएको छ । माहदेवपुरी–७ ओमरीमा विग्रेर रोकी राखेको भारतीय ट्रकमा ना.५ ख १८ ०२ नम्वरको बस ठोक्किदा बसमा सवार हेटौडा घर भई लर्डबुद्ध एकेडेमीमा एमविविएसमा अध्यनरत २४ बर्षीया अनिता गुप्ताको मृत्यु भएको हो ।
दुर्घटनामा गम्भीर उनको मेडिकल कलेज कोहलपुरमा उपचारकै क्रममा मृत्यु भएको हो । सो दुर्घटनामा घाइते अन्य ६ जनाको मेडिकल कलेज कोहलपुरमा उपचार भईरहेको प्रहरीले जनाएको छ । घाइतेमध्ये तीन जनाको अवस्था गम्भीर रहेको छ ।
