काठमाडौ, २१ असार । सरकारले आजदेखि मलेसिया लगायत ६ वटा खाडी मुलुकमा निशुल्क कामदार पठाउदैछ ।
न्यूनतम खर्च लाग्ने गरि फ्रि भिसा र फ्रि टिकटमा आजबाट कामदार पठाउन थालिने भएको छ ।
फ्रि भिषा र टिकट नदिनेहरुलाई श्रम स्वीकृत नदिने गरि आजैबाट काम सुरु गरिएको श्रम राज्यमन्त्री टेक बहादुर गुरुङले बताउनुभयो । उहाका अनुसार यसको सरकारले अनुगमन गरेर कडाईका साथ लागु गर्नेछ ।
यसैगरी इजरायलमा महिला कामदार पठाउनका लागि भइरहेको आन्तरिक तयारी अन्तिम चरणमा पुगेको छ । अबको एक हप्ताभित्रै नेपाली महिला कामदार पठाउने प्रक्रिया सुरु हुने श्रमराज्यमन्त्री गुरुङले बताउनुभयो ।
इजरायलको सर्वोच्च अदालतले नेपाल सरकारसँग सिधै महिला कामदार ल्याउन त्यहाँको सरकारलाई निर्देशन दिएपछि नेपालले सरकारी तहमा समन्वय गरेर महिला कामदार पठाउन लागेको हो ।
इजरायल सरकारसँग नेपालबाट जाने महिलाको मापदण्ड बारेमा पनि सरकारले सहमति जनाएको छ । पहिलो चरणमा ५० जना महिला पठाइने र त्यसपछि तीन सय जना नेपाली महिला कामदार पठाउनेसरकारको तयारी छ ।
