काठमाडौं, १९ असार ।
सङ्घीय मामिला तथा स्थानीय विकासमन्त्री प्रकाशमान सिंहले भूकम्पले क्षति पु¥याएका पुराना संरचना पुनः निर्माणको काम सुरु भएको बताउनुभएको छ ।
गत वैशाख १२ गते गएको भूकम्प र त्यसपछिका परकम्पले क्षति पु(याएको काठमाडौँको त्रिपुरेश्वरस्थित विश्व निकेतन विद्यालयमा कोरियाको ‘सिन्वा पिडब्लु एम’ले बनाइदिएको विद्यालय हस्तान्तरण गर्न आज बिहान त्यहाँ आयोजित समारोहमा उपप्रधानमन्त्री सिंहले भूकम्पबाट क्षति पु¥याएको क्षेत्रको पुनः निर्माण गर्न सरकार लागिपरेको बताउनुभयो ।
मन्त्री सिंहले नेपालीको दुःखमा मित्रराष्ट्रले गरेको सहयोगको प्रशंसा गर्दै कोरियन कम्पनीलाई धन्यवाद दिनुभयो ।
शिक्षा मन्त्रालय शैक्षिक व्यवस्थापन महाशाखाका प्रमुख डा लवदेव अवस्थीले आगामी तीन–चार महिनाभित्रै भूकम्पले क्षति पु(याएको क्षेत्रको पुनः संरचनाका साथै विद्यालयमा विपद्को बेलामा आश्रयस्थल समेत उपलब्ध हुने खालको बनाउन लागेको बताउनुभयो ।
