१८ असार, अछाम
अछाम जिल्लाका २ फरक फरक ठाउमा २ वटा लाश बेवारीसे अवस्थामा फेला परेका छन् । ढकारी वडा नम्वर ९ भएकी बुद्धी टमट्टा नाम गरेकी १६—१७ बर्षीय महिलाको लाश जिल्लाको घोडासैन गावीस वडा नम्वर ५ को सुनकेसरी भन्ने जंगलमा बेवारीसे अवस्थामा हिजो फेला परेको हो भने कैलालीको लम्की घरभई भारतको राजस्थान काम गर्ने कृष्णप्रसाद उपाध्यायको अछाम तोषी गाविस स्थित तितौडाको लेकमा रहेको त्रिपुरेश्वरीमाई मन्दिर नजिक बुधबार बेलुकी उनको बेवारीसे अवस्थामा शव फेला परेको हो ।
मृतक महिला एक महिना अगाडी देखी मानीसक सन्तुलन गुमाईएकी जिल्ला प्रहरी कार्यालय अछामले जनाएको छ । मानसीक अवस्था ठिक नभएको अवस्थामा नै उनको मृत्यु भएको हुन सक्ने प्रहरीले अनुमान गरेको छ । यता आठ दिन अघि राजस्थान जयपुरमा आफ्ना ससुरालीको कोठाबाट घरबाट फोन गरी मृतक उपाध्यायले आफु सकुसल रहेको र जागिर पनि पाइसकेको छोरालाई जानकारी दिएका थिए । आफु नेपाल आउने कुनै कुरा नगरेको र एक्कासी मृत फेला परेको खबरले अचम्ममा परेको मृतकका श्रीमती बिमकला उपाध्यायले जानकारी दिनुभयो ।
बिमकलाले घटना रहस्यपुर्ण भएकोले कसैले मारेको हुनसक्ने भन्दै प्रहरीलाई गहिरो अनुसन्धान गर्न आग्रह गरेकी छन् । पुर्खौयौली घर अछाम घोडासैन भएपनि मृतक उपाध्याय गाउमा समेत नआएको आफन्तहरुको भनाई छ । विजौरा ९ मा स्थायी ठेगाना भएपनि उपाध्याय परिवार हाल बलिया गाविसको लम्कीमा बस्दै आएको छ । २ वटै लाशलाई पोस्टमार्टका लागी जिल्ला अस्पतालमा राखीएको प्रहरी नायव उपरिक्षक दिलिपसिंह देउबाले जानकारी दिए ।
