काठमाण्डौ,१८ असार ।
नेपाल वैदेशिक रोजगार व्यवसायी संघको अध्यक्षमा विमल ढकाल विजयी हुनु भएको छ । अध्यक्षका अर्का प्रत्यासी सरोजकुमार पोखरेललाई २४ मतले पराजित गर्दै नेपाल लोकतान्त्रिक वैदेशिक रोजगार व्यवसायी फोरमका ढकाल अध्यक्षमा विजयी हुनु भएको हो । ढकालले २३७ मत प्राप्त गर्नुभएको थियो ।
निर्वाचनबाट मिश्रति परिणाम आएको छ । प्रथम उपाध्यक्ष र कोषाध्यक्षमा दकाल समुह बिजयी भएको छ । अन्य पदाधिकारीमा एमाले निकट प्रगतिशील वैदेशिक रोजगार व्यवसायी मञ्चका विजयी भएका छन ।
प्रथम उपाध्यक्षमा कुमुद खनाल ्, द्वितीय उपाध्यक्षमा हरिबहादुर पाण्डे क्षेत्री, तृतीय उपाध्यक्षमा मुक्तिनाथ अधिकारी विजयी हुनुभएको छ । संघको महासचिवमा रोहन गुरुङ , सचिवमा मञ्चकै राजेन्द्र भण्डारी र कोषाध्यक्षमा प्रतिमा महर्जन विजयी हुनु भउको छ ।
संघको २३ औं साधारणसभाले नयाँ कार्यसमिति चयन गरेको हो । कार्यसमिति सदस्यहरू रमिला ताम्राकार, शुक्र पाख्रिन, सचिन शेरचन, सरस्वती गुरुङ विजयी , तेजुमाया लिम्बू, पुष्पराज चौलागाइ, चेतुबाबा पोखरेल, दीपक सिंजाली, सोमबहादुर तामाङ, र प्रकाश आचार्य सदस्यमा निर्वाचित भएका छन ।
