काठमाण्डौ,१६ असार ।
व्यवस्थापिका संसदले लिपुलेकमा नेपाली भूमि मिचिएको बारे यथार्थ जानकारी गराउन सरकारलाई निर्देशन दिएको छ । आज बसेको संसदको बैठकमा सभासदले सम्झौताका बारेमा सरकार मौन बसेको भन्दै चर्को विरोध गरेपछि सभामुख सुबास चन्द्र नेम्वाङले भोली बस्ने बैठकको सुरुमै सो बारेमा जानकारी गराउन निर्देशन दिनुभएको हो ।
यस्तै र्बैठकमा बोल्दै एकीकृत नेकपा माओवादीका नेता जनार्दन शर्माले नेपाललाई जानकारी नै नगराई भारत र चीन विच नेपालको लिपुलेक हुँदै व्यापारीक मार्ग निर्माण गर्ने सम्झौता भएपनि सरकार मौन रहनु आपत्तिजनक भएको बताउनुभयो । त्यस्तै राप्रपा नेपालका अध्यक्ष कमल थापाले लिपुलेक सम्झौतका बारेमा बुझ्न संसदिय समितिले निर्देशन दिँदा समेत सरकार मौन रहनुले सरकारको औच्यितमाथिनै प्रस्न उठेको बताउनुभयो ।
यसैगरि राष्ट्रिय जनमोर्चाका अध्यक्ष चित्र बहादुर केसीले सत्तामा टिकिरहने लोभका कारण सरकारले लिपुलेकका बारेमा केहि नबोलेको आरोप लगाउनुभयो ।
