काठमाण्डौ,१६ असार ।
अविरल वर्षाको कारण पुर्बका बिभिन्न जिल्लाका बस्ती डुबानमा परेका छन । मोरङको बक्राहा खोलामा आएको बाढीले चार बडा डुबानमा पर्दा करीब २०० परिवार बिस्थापित भएका छन ।
बक्राहा खोलाको बाढी गाउँ पसेपछि मधुमल्लाका चार वटा वडा डुबानमा परेका मोरङ प्रहरीका प्रवक्ता डिएसपी प्रभुप्रसाद ढकालले जानकारी दिनुभयो । बिहान २ बजे बक्राहा खोलाको बाध फुट्दा वडा नं. ४, ५, ६ र ८ डुबानमा परेका हुन ।
डुबानमा परेका बस्तीलाई सुरक्षित स्थानमा सारीएको छ । यस्तै बक्राहा खोलाले बगाउँंदा मधुमल्लाका चार वर्षीय शिशिर थापाको मृत्यु भएको डिएसपी प्रभुप्रसाद ढकालले बताउनु भयो ।
यस्तै झापामा ५० परिवार विस्थापित भएका छन । बिरिङ खोलाको बाढीले डाँगीबारी र खुदनाबारीका केही वस्ती डुबानमा परेका हुन् । ती क्षेत्रबाट ५० परिवार विस्थापित भएका छन् । मेची खोलामा आएको बाढीले पनि आसपासका बस्ती डुबानमा परेका छन् ।
यस्तै झापाको दमक जाने क्रम बिहान रतुवा खोलाको बाढीले बगाएर इलाम चुलाचुली ६ का ४८ वर्षीय फूर्वा शेर्पाको मृत्यु भएको छ । त्यस्तै माइखोलाको बाढीले बगाएर महमाई ९ का बर्षिय सूर्यकुमार राई वेपत्ता भएका छ् । बेपत्ता राईको खोजी भइरहेकोे जिल्ला प्रहरी कार्यालयले जनाएको छ ।
