काठमाडौं, १५ असार।
गत बैसाख १ गतेबाट बन्द रहेको उपत्यकाको पर्यटकीय स्थल रत्नपार्क आजबाट संचालनमा आउने भएको छ । सरसफाई र उचित व्यवस्थापन नपुगेको भन्दै गत बैसाख १ गतेबाट पार्क संचालनमा आउन सकेको थिएन ।
आन्तरिक तथा वाह्य पर्यटकहरुको गन्तव्य बन्दै आएको पार्क काठमाडौ महानगरपालीका, वातावरण व्यवस्थापन विभाग तथा रत्नपार्क र रानीपोखरिको संयुक्त पहलमा भोलीबाट संचालनमा आउन लागेको हो ।
पार्कको आज विहान साढे सात बजे संघिय मामीला तथा स्थानीय विकासमन्त्री प्रकाशमान सिहले उद्घाटन गर्नुहुनेछ । पार्क प्रवेशमा अहिले सम्म कुनै शुल्क नलगाइएको भएपनि भोलीबाट भने सर्वसाधारणको लागि २५ तथा विद्यार्थीहरुको लागि १५ रुपैया शुल्क लाग्ने भएकोछ ।
जेष्ठ नागरिक तथा अपाङ्ग व्यक्तिहरुका लागि भने परिचयपत्रको आधारमा निशुल्क प्रवेशको व्यवस्था गरिएको छ । वाह्य तथा आन्तरिक पर्यटकहरुको आकर्षण बढाउन पार्क र आसपासका तालहरुको सररफाइ गरिएको छ ।
