काठमाडौं, ११ असार ।
फलको राजा मानिने आँंपसम्बन्धि पहिलो राष्ट्रिय आँंप महोत्सव राजधानीमा हुने भएको छ ।
नेपाल फलफूल थोक ब्यवसायी संघ कुलेश्वर तथा फलफूल विकास निर्देशनालय कीर्तिपुरको संयुक्त सहकार्यमा शुक्रबारदेखि दुई दिनसम्म भृकुटी मण्डपमा महोत्सव सञ्चालन हुनेछ ।
संघका अध्यक्ष अमर बानियाँकाअनुसार महोत्सवमा ११ वटा स्टाल राख्ने व्यवस्था गरिएको छ । जसअनुसार पाँचबटा खुद्रा र ६ वटा थोक स्टाँल राख्ने व्यवस्था गरिएको छ ।
बानियाँंका अनुसार महोत्सवमा नेपालमा पाइने १८ जातका आँपको जात र आँंपबाट निर्माण हुने अन्य परिकारको बारेमा उपभोक्तालाई जानकारी दिइनेछ ।
यसका साथै भारतलगायत अन्य मुलुकबाट भित्रिने बिषादी तथा रसायनयुक्त आँपको बारेमा पनि महोत्सवमा जानकारी दिइनेछ ।
संघले बिषादीरहित र स्वच्छ आँप उपभोग गर्न कुलेश्वर बजारबाट मात्र खरिद गर्न पनि आग्रह गरेको छ । संघले बिषादी रहित र स्वच्छ आँपका लागि नेपालमै उत्पादन भएको मात्र सेवन गर्न पनि आग्रह गरेको छ ।
