काठमाण्डौ,६ असार ।
विश्व खाद्य कार्यक्रम (डब्लूएफपी)को गोदाममा ५ सय १४ मेट्रिक टन अखाद्य दाल फेला परेको छ । बाँकेको खजुरामा डब्लूएफपीले भण्डारण गरेर राखेकोे ५ सय १४ मेट्रिक टन खेसरीको दाल कुहिएको अवस्थामा फेला परेको सभासद संजय गौतमले जानकारी दिनुभयो ।
गोरखामा केही दिन अघि अखाद्य चामल भेटिएको समाचार सार्बजनिक भएलगतै संसदीय टोली अनुगमनका लागि सो क्षेत्रमा गएको थियो । संसदीय टोलीले गरेको अनुगमनमा ५ सय १४ मेट्रिक टन खेसरीको दाल कुहिएको अवस्थामा फेला परेको सभासद संजय गौतमले बताउनु भयो ।
दालमा किरा परेको, कुहिएको र खानै नमिल्ने अवस्थामा रहेको सभासद गौतमले जानकारी दिनुभयो । नेपालमा विपत परेका बेला विभिन्न क्षेत्रमा वितरण गर्न भन्दै डब्लुएफपीले खजुराको कपास विकास समितिको गोदाममा दाल भण्डारण गरेर राखेको थियो ।
केन्द्रबाट खटिएको संसदीय अनुगमन टोलीमा गौतमसंगै दलबहादुर सुनार र श्रीप्रसाद जबेगु लगायत रहनु भएको छ । यस्तै गोरखामा खटिएको अनुगमन समितीले पनि कुहिएको चामल फेला पारेको छ ।
