काठमाण्डौ,३ असार ।
मानवअधिकार रक्षकहरुका लागि तीन दिने क्षमता अभिवृद्धि तालिम आजदेखी कैलालीको धनगढीमा शुरु भएको छ । अनौपचारिक क्षेत्र सेवा केन्द्र (इन्सेक) को आयोजनामा शुरु भएको तालिमममा कैलाली र कञ्चनपुरका मानवअधिकार रक्षक, विभिन्न अधिकारका क्षेत्रमा कार्यरत संस्थाका प्रतिनिधि र पत्रकारहरुको सहभागिता रहेको छ ।
तालिममा मानवअधिकार रक्षकहरुलाई मानवअधिकारको आधारभूत जानकारी, अधिकार र कर्तव्य र भूमिका, मानवअधिकार र मानविय कानुन, मानवअधिकार सूचनाको हक तथा नागरिक र राजनीतिक अधिकारबारे जानकारी दिइने इन्सेकका क्षेत्रीय संयोजक खड्कराज जोशीले जानकारी दिनुभयो ।
जोशीले आज मानवअधिकारको परिभाषा र विकास क्रमका साथै मानवअधिकार तथा मानविय कानुनबारे प्रशिक्षण दिनुभएको छ । अधिवक्ता कुलानन्द उपाध्यायले नेपालमा संवैधानिक व्यवस्था तथा मानवअधिकारबारे प्रशिक्षण दिनुभयो । तालिम शनिबारसम्म चल्नेछ ।
