४ माघ, काठमाडाैं । पूर्वप्रधानमन्त्री शेरबहादुर देउवा समूहले प्रतिनिधिसभाकाे आसन्न निर्वाचन स्थगन गर्न माग गरेकाे छ ।
देउवा नेतृत्वकाे नेपाली कांग्रेस पार्टी तत्कालिन महामन्त्री गगनकुमार थापाकाे पाेल्टामा गएपछि क्रुद्ध देउवा समूहले यस्ताे माग गरेकाे हाे ।
माग राख्दै समूहका केही नेता कार्यकर्ता केहिबेर अघिमात्र खम्बबहादुर खाती नेतृत्वमा निर्वाचन आयाेग पुगेकाे छ । साथै समूहकाे तर्फबाट पूर्णबहादुर खड्काले कांग्रेस देउवाकै नेतृत्वमा कायम हुनुपर्ने जिकिरसहित सर्वाेच्च अदालतमा रिट निवेदन दिँदैछन् । रिटमा समेत निर्वाचनकाे उम्मेदवार चयन र दर्ता राेक्नुपर्ने माग गरिएकाे छ ।
गत भदाै २३ र २४ मा भएकाे आन्दाेलनले तत्कालिन एमालेका केपी ओली नेतृत्वकाे सरकारलाई ववस्थापन गरेर गठित सुशिला कार्कीकाे नेतृत्वमा गठित गैरराजनीतिक अन्तरिम सरकारले आउँदाे फागुन २१ मा प्रतिनिधिसभाकाे निर्वाचन गराउँदै छ । त्यसनिम्ति आयाेगले पर्सि मंगलबार प्रत्यक्षतर्फका उम्मेदवारकाे मनाेनयन दर्ता गर्दैछ ।
यसरी मनाेनय दर्ताकाे मुखैमा आएर देउवा समूह निर्वाचन राेक्नुपर्ने गतिविधिमा लागेकाे छ । अन्य सबै दल भने ताेकिएकै समयमा निर्वाचन गराउनु पर्नेमा अडिग देखिएका छन् ।
