एजेन्सी भदौ ११ । चीनमा ६ दशक यताकै बढी गर्मी र सुख्खा बढेर नदीहरु समेत सुक्न थालेपछि क्रित्रिम रुपमा बादल छरेर बर्षा गराईएको छ । ग्लोबल टाइम्सका अनुसार कम्तीमा दश प्रान्तमा यो प्रविधि मार्फत बर्षा गराईएको छ ।
जहाज मार्फत सबै भन्दा पहिला बायुमण्डलमा बादल छर्ने र त्यसपछि बर्षा गराउने गरिएको र यसले विश्व जलवायु प्र्रणालीमा कुनै पनि असर नपर्ने चीनको मौसम विज्ञान विभागले जनाएको छ ।
यो वादल पठाईएपछि सिचुवान लगायत विभिन्न प्रान्तको तापक्रम ९.२ डिग्री सेल्सियस सम्म झरेको छ । यसरी वादल पठाईएपछि कित्रिम बर्षा समेत गराईएको सिसिटिभीले उल्लेख गरेको छ । करीब ६ सय वर्ग किलोमिटरमा बर्षा गराईएको छ ।
यही अगष्ट महिनामा चीनले हिट वेभको सामना गर्न ९१ क्लाउड फ्लाईटस मार्फत २६० घण्टा वायुमण्डलमा बादल पठाएको छ ।
एक लाख १६ हजार पानी बम, २५ हजार पानी रकेट, २ हजार फ्लेयर मार्फत बर्षा गराईएको समाचार छ ।
अत्याधिक तातो हावा चल्नुका साथै चरम गर्मीका बीच हिमाली र पहाडी क्षेत्रमा बन डढेलो समेत बढेपछि चीनले यसको सामना गर्न क्रितिम बादल र वर्षा मार्फत प्रतिरोध गरेर जनजीवन सहज बनाउने प्रयास गरेको समाचारमा उल्लेख छ ।
