धितोपत्र बजारमा शेयर कारोबार मापक नेप्से परिसूचक आज पनि उच्च अङ्कले ओरालो लागेको छ । नेपाल स्टक एक्सचेञ्जका अनुसार नेप्से ४६.४६ अङ्कले ओरालो लागेर दुई हजार ४५२.०६ मा ओर्लेको छ । यस्तै, ठूला कम्पनीको शेयर कारोबार मापन गर्ने सेन्सेटिभ परिसूचक ८.३४ अङ्कले ओरालो लागेर ४५८.२२ मा ओर्लेको छ । कूल २२८ कम्पनीको ५८ लाख ४१ हजार ९९८ कित्ता शेयर रु दुई अर्ब ६७ करोड १२ लाख ३२ हजार ३८८ बराबर मूल्यमा कारोबार भयो । नेप्सेका अनुसार कारोबार भएका कूल १३ उपसमूह मध्ये आज होटल तथा पर्यटन क्षेत्रको मात्रै शेयर मूल्यमा उकालो लागेको छ । होटल तथा पर्यटन १५.१२ अङ्कले उकालो लागेको छ । त्यस्तै, बैंकिङ १८.८, व्यापार ४४.०६, विकास बैंक ८३.९९, जलविद्युत् ६०.१५, वित्त ५३.८५, निर्जीवन बीमा ३४६.८४, उत्पादन ४३.२, अन्य ७१.९६, लघुवित्त ६८.३३, जीवन बीमा ४३२.२८, सामूहिक लगानी कोष ०.२८ र लगानी १.५३ अङ्कले ओरालो लागेको छ । मङ्गलबारको कारोबारपछि बजार पुँजीकरण रु ३४ खर्ब ८१ अर्ब ३१ करोड ५२ लाख ४० हजार बराबर पुगेको छ । कारोबारका आधारमा आज हिमालयन डिष्टिलरी शीर्ष स्थानमा छ । सो कम्पनीको रु नौ करोड ६७ लाख ९९ हजार ७६८ बराबरको कारोबार भयो ।
यस्तै, नबिल बैंक रु आठ करोड ५९ लाख ९९ हजार १९९, नेपाल लाइफ इन्स्योरेन्स रु आठ करोड १३ लाख ९७ हजार ३०७, सूर्य लाइफ इन्स्योरेन्स रु सात करोड ७३ लाख ८० हजार ९३३ र अरुण भ्याली हाइड्रोपावर रु ६ करोड ८० लाख ३९ हजार ९६६ बराबरको कारोबार भई शीर्ष स्थानमा रहे । राष्ट्र उत्थान लघुवित्त र नेष्डो समृद्ध लघुवित्तको शेयर मूल्यमा १० प्रतिशतले वृद्धि भई सकारात्मक सर्किट लाग्यो । जाल्पा सामुदायिक लघुवित्त ६.०७, युनिलिभर नेपाल लिमिटेड ३.२३ र एनसिसी बैंकको ऋणपत्रका लगानीकर्ताले दुई प्रतिशतले कमाए । त्यस्तै, इमर्जिङ नेपालको शेयर मूल्य १० प्रतिशतले ओरालो लाग्दा नकारात्मक सर्किट लाग्यो । नारायणी डेभलपमेन्ट बैंक ६.३७, युनाइटेड इदी मर्दी हाइड्रोपावर ६.०१, जनरल इन्स्योरेन्स कम्पनी ५.६९ र नेपाल दूरसञ्चार कम्पनीका लगानीकर्ताले ४.७० प्रतिशतले गुमाए ।
