काठमाडौँ भदौ १८ । नेकपा एमालेका एमालेका प्रभावशाली नेता वामदेव गौतमले पार्टी छाडेका छन् । अध्यक्ष केपी ओलीलाई संवोधन गरेर लेखेको राजीनामा पत्र उनले ओलीलाई नभेटी कार्यलय सचिव शेर बहादुर तामाङको हातमा थमाएका छन् ।
एमालेबाट विभाजित भएर नेकपा (एकीकृत समाजवादी) बनेपछि नयाँ दलमा सहभागी हुने गरी पार्टी छोडेका हुन् ।
उनले अध्यक्ष ओलीले नवौँ महाधिवेशनले पारीत गरेको राजनीतिक कार्यदिशालाई अवलम्वन नगरेको, पार्टी एकतापछिको साmझा घोषणा कार्यन्वयन नगरेको, जनादेश लत्याउदै संसद विघटन गरेको, ओली सुध्रिनु भन्दा पनि व्यक्तिवादी र स्वेच्छाचारी भएको भनेर किटान नै पत्रमा गरेका छन् ।
गौतमले पत्रमा आफू समेत संलग्न भएर बनाएको एमालेमा तपाईकै गलत विचार, प्रवृति र शैलीका कारण पार्टीमा रहि रहन असमर्थ रहेको अध्यक्ष ओलीलाई जनाउ दिएका छन् । यद्यपि गौतमले व्यक्तिगत सम्बन्ध भने मित्रवत रहोस् भन्ने अपेक्षा गरेका छन् ।
अब गौतम माधव नेपालले नेतृत्व गरेको एकीकृत समाजवादीमा जोडिन सक्ने आंकलन गरिएको भए पनि उनले कुनै घोषणा भने गरेका छैनन् । जबज स्वीकार गर्नु पर्ने गौतमको शर्त रहेको छ ।
गौतमकी श्रीमती तुलसा थापा एकीकृत समाजवादीतिर खुलिसकेकी छन् ।
