चैत १६, इलाम। इलामको सिंहवाहिन खोस्लीमा आधुनिक कृषि बजार बन्ने भएको छ । एक करोड ९९ लाख रुपैयाँको लागतमा निर्माण हुने सब्जी तथा तथा पशुबजारको सोमबार भूमि ब्यवस्था, कृषि तथा सहकारी मन्त्री राम रानाले शिलान्यास गरेका छन् ।
कृषिलाई व्यावसायिकरण गर्दै लैजाने उदेश्यले ईलाम नगरपालीकाले वडा नं ७ स्थित खोस्लीमा कृषि वजार निर्माण गर्न लागेको हो । फलामको ट्रष्ट प्रयोग गरेर बनाइने भवनको छाना टीनको लगाइने र एक तलामा सब्जी तथा अर्को तलामा पशुहाट लगाइने नगरपालिकाले जनाएको छ ।
इलाम नगरपालिकाका नगरप्रमुख महेश बस्नेतले स्थानीय स्तरमा उत्पादिन तरकारी तथा फलफुललाई बजारीकरण तथा आधुनिक रुपमा कृषि उत्पादन तथा स्थानीयतहमा नै बजारीकरणलई व्यावस्थीत बनाउने उदेश्यले कृषि भवन निर्माण गर्न लागिएको बताए ।
स्वास्थ्यका दृष्टिकोणले पनि व्यवस्थित बजार आवश्यक देखिएकाले नगरपालीकाकै पहलमा भवन निर्माण हुन लागेको नगरप्रमुख बस्नेतको भनाई छ ।
नगरप्रमुख महेश बस्नेतको अध्यक्षतामा सम्पन्न शिलान्यास कार्यक्रममा मन्त्री रानासहित सूर्योदय नगरपालिकाकी उपप्रमुख दुर्गा भट्टराई र नेपाल पत्रकार महासंघका केन्द्रीय सदस्य सटेन्द्र जबेगूले शुभकामना व्यक्त गरेका थिए ।
कार्यक्रममा नगरपालिकाका प्रमुख प्रशासकीय अधिकृत कालीबहादुर भूजेलले स्वागत मन्तब्य राखेका थिए भने कार्यक्रममा वडाध्यक्ष तथा स्थानीयबासीहरुको बाक्लो उपस्थित थियो ।
