एजेन्सी भदौ ७ । अमेरीकी राष्ट्रपति डोनाल्ड ट्रम्पले एक पोर्न स्टारलाई ४४ हजार डलर तिर्न एक अदालतले फैसला गरेको छ । स्टर्मी डेनियल्स नाम गरेकी ४१ बर्षे पोर्न स्टारले आफ्नो ट्रम्पसगँ अफेयर रहेको भन्दै अदालतमा मुद्धा दायर गरेकी थिईन् ।
राष्ट्रपति ट्रम्पले उक्त कुरा अस्वीकार गर्दै आएकी थिईन् । अदालतले शुरुमा यो मुद्धा खारेज गरे पनि पछि पोर्न स्टार डानियल्सले अदालतमा मुद्धा लड्दा भएको खर्च ट्रम्पले ब्यहोर्नु पर्ने आदेश दिए पछि ट्रम्पमाथि यो दायित्व आईलागेको हो ।
क्यालिफोर्नियाको कोर्टले उक्त फैसला गरेको डेनियल्सलाई उद्धृत गर्दै सिएनएनले लेखेको छ ।
डेनियल्सले यसलाई एक जीत भनेकी छन् । मुद्धा हाले पछि स्टर्मीले एक किताव लेखेकी थिईन् जसमा ट्रम्पसगँ अफेयर रहेको खुलाएकी छन् ।
डेनियलले ट्रम्पसगँ अफेयर रहे पछि उनलाई चुप लाग्नका लागि ट्रम्पले वकिल मार्फत एक लाख २९ हजार बढी डलर दिएका थिए ।
डेनियल्सका अनुसार सन् २००६ मा ट्रम्पसगँ उनको अफेयर भएको थियो । यद्यपि, ट्रम्पले उक्त कुरा अस्वीकार गर्दै आएका छन् ।
