काभ्रे, ८ साउन । कृषि र रोजगारीलाई प्राथमिकतामा राखेर काम गर्दै आएको काभ्रेको नमोबुद्ध नगरपालिकाले युवा सञ्जालको सहकार्यमा ११ वटा वडाका २२ वटा क्लबमा आवद्ध युवाहरुलाई ९ सय वटा कागतिको बिरुवा वितरण गरेको छ ।
एक कार्यक्रमका बीच नगरप्रमुख टिमी शर्मा तिमिल्सिनाले युवा प्रतिनिधिहरुलाई कागतिको बिरुवा हस्तान्तरण गर्नु भएको हो ।
यस बर्षको कृषि नीतिमा उत्पादन र रोजगारीलाई जोड्दै एक गाँउ एक उत्पादनमा नगरले केन्द्रीत कार्यक्रम अघि सारेको छ ।
यसै गरी आज साउन ८ गते नगरपालिकालाई अपाङ्गमैत्री नगर बनाउने नीति अनुसार नमोबुद्ध नगरपालिका भित्र रहेका अपाङ्गता भएका व्यक्तिहरुलाई समाजमा पुर्नस्थापना कार्यक्रम (सिबिआर) अन्तर्गत सहायक सामाग्री वितरण समेत भएको छ । नगरप्रमुख टिमी शर्मा तिमिल्सिनाले ती सामाग्री एक कार्यक्रममा बीच हस्न्तरण गर्नु भएको थियो ।
ह्वील चियर २० वटा, नर्मल स्टीक १३ वटा, एल्बो स्टीक ५ वटा, बैशाखी ८ वटा लगायतका सामाग्री आज वितरण गरिएको थियो ।
यस बर्ष बालमैत्री नगर घोषणा गर्ने नीति अनुरुप यसपालीबाट वडाहरुलाई बालमैत्री वडाहरु घोषणा गर्दै जाने मेयर तिमल्सिनाले बताउनु भयो ।
यस्तै वातावरण मैत्री, अपाग मैत्री र युवा मैत्री नगर बनाउने उदेश्यले नीति कार्यक्रममै समेटेर विभिन्न कार्यक्रमहरु भईरहेको उहाले बताउनु भयो ।
यसै क्रममा भकुण्डेबेसीबाट बालरुम मुक्त बनाउने कार्यक्रम शुरु भईसकेको छ ।
गत बर्ष साबुन बनाउने तालिम प्रदान गरिएको थियो भने जेष्ठ नागरिकको निशुल्क रुपमा मोतीविन्दुको उपचार तथा अप्रेशन गरिदै आएको छ । श्रवण क्षमता नभएकाहरुलाई मेसिन वितरण हुदै आएको छ ।
