सिन्धुली,१५ असार । कृषि तथा पशुपन्छी विकास मन्त्री घनश्याम भुसालले संगितले सलहलाइ लठ्याउने जानकारी पाएकाे भन्दै त्यस्ताे गीत तथा संगित झिकाउन लागेकाे जानकारी दिएका छन् ।
आइतबार सिन्धुलीमाढीमा आयोजित पत्रकार सम्मेलनमा मन्त्री भुसालले सलह किरा कक्क्रक्कै हुने अमेरिकी ह्याप्पिमेटल म्युजिक ब्रान्डकाे गीत संकलन भइरहेकेा जानकारी दिए ।सलह नियन्त्रणका लागि गीत र संगित निक्कै प्रभावकारी हुने चर्चा गर्दै मन्त्री भुषालले भन्नुभयाे, ‘मलाइ अस्ट्रेलियामा बस्ने भाइले फाेनमा सलह नियन्त्रणका लागि गीत र संगित प्रभावकारी हुने भनेका छन्, त्यहि अनुसार गीत, संगित संकलन गर्न लागिएकाे छ ।’
मन्त्री भुषालले सलह किरा नियन्त्रणका लागि स्थानीय तहलाई पैसा पठाइदिने पनि बताएका छन् । अहिलेसम्म स्थानीय तहहरुले नै नियन्त्रणको व्यवस्था गर्न सक्ने खालको अवस्था नेपालमा भएको उनले बताए ।
‘सलह किराले ठूलो क्षति गरेको भन्ने अहिलेसम्म आएको छैन्,’ उनले भने,’धेरै फैलिएर क्षति ठूलो हुन थालेमा सलह किरा नियन्त्रण र निर्मूल गर्न आवश्यक रकम मन्त्रालयले स्थानीय तहहरुलाई पठाउँछ ।’
उनले सलह नियन्त्रणका लागि बजेट अपर्याप्त भयो भनेर नगरपालिका र गाउँपालिकालाई मन्त्रालयले बन्दोबस्त गर्ने बताए । कान्तिपुर दैनिकबाट
