एजेन्सी बैशाख १८ । कोरोना भाईरसको उपचारमा एउटा नयाँ आशाको सञ्चार पैदा भएको छ । रेमडेसिविर नामक औषधीले अधिकाश कोरोना संक्रमित निको भएको देखिएको बिबिसीले जनाएको छ । यद्यपि, यो शुरुवाती ट्रायल हो ।
यो औषधी ईबोलाका बिरामीका लागि प्रयोग गरिएको थियो । ट्रायल डाटाका अनुसार विश्वभरका ७५ प्रतिशत अस्पतालमा एक हजार भीर रुपले संक्रमितलाई यो औषधी दिईएको थियो । यसले प्लेसीबो दवाईको तुलनामा ३१ प्रतिशत बढी बिरामी निको भएका छन् ।
यो औषधीले ११ देखि १५ दिन सम्मको अवधिमा परिणाम देखाईरहेको छ । वैज्ञानिकहरुले यो औषधी प्रभावकारी हुन सक्ने औल्याएका छन् । यो औषधी अमेरीकी कम्पनी गिलिएडले उत्पादन गरीरहेको छ । यो अझै प्रमाणित हुन अरु धेरै तथ्यांक जरुरी हुने बताईएको छ ।
शुरुमा चीनमा गरिएको यसको प्रयोग सफल भएको थिएन ।
अमेरीकाका श्वास्थ्य विज्ञ डा. एन्थोनी फौसीले यो ट्रायल सफल हुनु एक राम्रो समाचार भएको बताए । बेलायतताक प्रोफेसर महेश परमारले यो अन्तराष्ट्रिय स्तरको पहिलो ट्रायल भएको भन्दै यसले आशा जगाएको बताए ।
