एजेन्सी बैशाख ५ । अमेरीकामा एउटा बाख्राले अनौठो पाठा जन्माएको छ । जसको टाउको दुई वटा छ र शरीर एउटा ।
अचम्म त के छ भने यो पाठाले दुईवटै मुखबाट घाँस खान सक्छ । अमेरीकाको बिस्कन्सीन राज्यको बवानो काउन्टीमा भएको थियो । यस बाख्राका मालिकले रोमन देवता जानुस नाम राखेका छन् यो पाठाको । देवता जानुसको पनि दुईवटा शीर थियो ।
यस बाख्राकी मालिकनी जोकेलिन नुएस्केले भनिन् ‘यो शुरुवात र अन्त्यका लागि हो, यो भूत र भविष्यका लागि हो । ’ पो दुई टाउके बाख्रा अप्रील ५ मा जन्मिएको थियो ।
जोकलिन दुधको व्यापार र बाख्रा फर्म चलाउछिन् । उनले ६ बर्षदेखि बाख्रा फर्म चलाएको र हजारौ पाठा जन्मिएको तर यस्तो कहिल्यै जन्मिएको थिएन भनेकी छन् ।
यस बाख्राको दुई मुख, दुई आखाँ र चार वटा कान छ । पशु चिकित्सकले यो बाख्राको स्वास्थ्य ठीक रहेको बताएका छन् । तर विशेषज्ञहरुले यो बाख्रा लामो समय बाँच्नेमा भने शंका गरेका छन् ।
