एजेन्सी दिल्ली बैशाख ५ । भारतको सिलाङमा लामो विवाद पछि बिहिबार एक चिकित्सकको अन्तिम दाहासंस्कार गरियो । डा. जोन एल सायलो कोरोना संक्रमितको उपचार गर्दा गर्दै आफ्नै ज्वाईबाट संक्रमित भएका थिए । उनी बिथेनी अस्पतालका निर्देशक पनि थिए । उनी राज्यको पहिलो संक्रमित पनि थिए कोरोनाबाट ।
गत सोमबार उनमा कोरोना पोजेटिभ देखिएको थियो , भोलीपल्टै उनको मृत्यु भयो । उनको शब बुधबार जलाउन मशानघाट लगियो तर त्यस वरपर बस्ने स्थानीयले अवरोध गरे । उनीहरुले डाक्टरलाई जलाउदा निस्कने धुवाँले आफूहरुलाई कोरोना लाग्न सक्ने भन्दै विरोध गरे ।
विश्व स्वास्थ्य संगठनको गाईडलाईन अनुसार कुनै पनि संक्रमित व्यक्तिलाई जलाउनु पर्ने हुन्छ । डा. सायलोलाई पनि जलाउन स्थानीय प्रशासनले तयारी गरेको थियो । त्यस पछि उनको अस्तुलाई निकालेर क्रिश्चियन परम्परा अनुसार फर्म हाउमा दाहासंस्कार गर्ने भनिएको थियो । तर गाँउलेको अवरोधले उनको सो दिन दाहासंस्कार हुन पाएन ।
अन्तिममा लामो विवाद पछि म्युनिसिपल कर्पोरेसनका कर्मचारीले ईशाईशरुको चिहानघारीमा उनलाई जलाईयो ।
डा. सायलो ६९ बर्षका थिए । उनमा मधुमेह पनि थियो । उनको ज्वाई पाईलट थिए । न्यूयोर्कबाट भारतीयहरुलाई उद्धार गरेर ल्याएको जहाज उनैले उडाएका थिए । उनीबाटै डा. सायलो सहित ६ जना परिवारका सदस्य संक्रमित भएका थिए । डा. सायलो सिलागं र गुहाटीको बीचमा रहेको नान्पागंमा २ वटा अस्पताल चलाउने गर्दथे । १७ मार्चमा उनका पाईलट ज्वाई दिल्लीआए पछि गुहाटी आए । क्वारीन्टाईन पूरा गरेको दाबी गरे । तर उनकै कारण सायलोमा सरेको पुष्टी भयो । अहिले सिलागंका २ हजार जनालाई परीक्षणको लागि प्रशासनले तयारी गरेको छ । डा. सायलाले गुहाटी र बरपाटा मेडिकल कलेजमा उपचार गरीरहेका बिरामीलाई पनि परीक्षण गरिने भएको छ ।
