एजेन्सी, २ वैशाख ।
नेपालमा कोरोना महामारीका बेला राहत पाउनै गार्हो , पाउनेले पनि कुहिएको पाएपछि जनता रुष्ट छन् । मजदुर भोकभोकै बस्नु परेको गुनासो गरिरहेका छन् । यसले हाम्रो ब्यबस्थापन कति कमजोर छ भन्ने देखिन्छ ।
तर लामो समय गृहयुद्ध र अमेरिकी आक्रमणको सामना गरेको भियतनामले कोरोना प्रभावित गरिब जनताको लागि राहत बितरण गर्न चामल एटीएम बनाएको छ । जसबाट महामारी प्रभावित र पीडितले निशुल्क चामल लान सक्ने छन् । एस्तो एटीएम पुरै भियतनाम भरी बनाइएको छ ।
भियतनाममा दुई सय ६५ जना कोरोना संक्रमीत छन् भने कसैको मृत्यु भएको छैन ।
सामाजिक दुरी र आंशिक लक डाउनका कारण बिहान ८ बजे र बेलुकी ५ बजे राइस एटीएम खुल्ने भियतनामका संचार माध्यमहरुले जनाएका छन् ।
व्यापारी , व्यावसायिको सहयोगमा सरकारले महामारी अबधि भरका लागि यो प्रबन्ध गरेको हो । कुनै समय हामी जस्तै गरीब देशले अहिले प्रबिधि प्रयोग गरेर देशको अर्थिक स्थिति बलियो बनाएको छ ।
