एजेन्सी । बच्चामै बृद्ध देखिने एक प्रकारको जेनेटिक रोग प्रोजेरियाबाट ग्रसित युक्रनको एक बालिकाको मृत्यु भएको छ ।
अस्पतालमा रहेकी एना सकिडन नामकी ८ बर्षकी ती बालिकाको मृत्यु भएको अधिकारीहरुले जनाएका छन् ।
उनको शरीरको आन्तरीक अंगले काम गर्न छाडेपछि उनको मृत्यु भएको हो । ८ बर्षकै उमेरमा ८० बर्षको जस्तो देखिने यी बालिकाको तौला सात दशमलव ७ किलोग्राम थियो ।
डा नादेज्दा केटामेनका अनुसार यस्तो रोग लागेका बच्चा सामान्य बच्चाको एक बर्ष नै उनीहरुका लागि आठ दश बर्षको जस्तो हुने गर्दछ । हड्डी धेरै ढिलो बृद्धि हुने र उमेर बढ्दै गए पछि अंगहरुले काम गर्न छाडेर यस्ता बच्चाहरुको बेलैमा मृत्यु हुने गर्दछ ।
नेदरल्याण्डमा भएको एउटा रिसर्च अनुसार प्रति २ करोड बच्चामा एक जनामा प्रोजेरीया हुने संभावना रहन्छ । यसरी हेर्दा पुरै विश्वमा करीब १ सय ६० यस्तो बच्चा बिरामी रहेको अनुमान गरिएको छ ।
एजेन्सी ।
