काभ्रे, १७ असार ।
काठमाडौ विश्वविद्यालयमा लागेको ताला पाँच दिनसम्म पनि खुलेको छैन । ताला नखुल्दा हजारौ बिद्यार्थीको पठनपाठन ठप्प भएको छ ।
विद्यार्थी कल्याण परिषदको निर्वाचन र स्थगित गरिएको खेलकुद सप्ताह हुने सुनिश्चिता लगायतका बिभिन्न आठ बुदे माग राख्दै अखिल नेपाल राष्ट्रिय स्वतन्त्र विद्यार्थी युनियन(अनेरास्वव्यु)ले गत शुक्रवार विश्वविद्यालयमा तालाबन्दी गरेको थियो ।
माग पु्रा नभएसम्म आन्दोलन नरोकिने अनेरास्वव्यूको अडान तथा विश्वविद्यालयको वेवास्थाका कारण हजारौ विद्यार्थीहरु पठनपाठनबाट बन्चित भएका छन् ।
पाँच दिनदेखि विश्वविद्यालयमा तालाबन्दी हुँदापनि विश्वविद्यालय प्रशासन मौन बसेको छ । ताला खोलाएर पठनपाठन सुचारु गर्नेतर्फ कुनै पहल नगरेका कारण हजारौ विद्यार्थीहरु पठनपाठनबाट वन्चित हुनुपरेको भन्दै विद्यार्थीहरुले भने विरोध गरेका छन् ।
विश्वविद्यालयमा अध्ययनरत विद्यार्थीहरुले विद्यार्थी संगठनलाई तालाबन्दी गरेर पठनपाठन नै ठप्प नपार्न आग्रह गर्दै विश्वविद्यालय प्रशासनलाई तत्काल ताला खोलेर पठनपाठन सुचारु गराउन माग गरेका छन् ।
विश्वविद्यालय प्रशासनको वेवास्थया तथा लापरवाहिका कारण शैक्षीक गुणस्तर खस्कदै गएको भन्दै सुधारका लागि पहल गर्नुपर्ने अखिल (क्रान्तिकारी)का नेता दिपक शर्मा बताउनुहुन्छ ।
