काठमाडौं, जेठ ३० ।
नेपाली कांग्रेसका सांसद गगन थापाले आधारभूत शिक्षाका लागि छुट्याएको बजेटले एक चौथाई विद्यार्थीलाई र्पुयाएर देखाउन शिक्षामन्त्रीलाई चुनौती दिनु भएको छ ।
प्रतिपक्षी कांग्रेसले बनाएको छाया सरकारमा शिक्षा मन्त्रालय स्तरीय समितिको संयोजक समेत रहेका थापाले मन्त्रालयको बजेट कटौती गर्न प्रस्ताव राख्नु भएको हो ।
आज संसदमा आफ्नो प्रस्ताव पेश गर्दै सांसद थापाले मुलुकभर रहेका ३६ हजार बढी प्रारम्भिक बालविकास केन्द्रमा योग्य शिक्षकले पढाउनु पर्नेमा ८ कक्षा पास गरेकोले ६ हजारमा पढाउन बाध्य भएकाले संविधानले यस्तो गर्न नपाईने बताउनुभयो ।
नेता थापाले यसको जिम्मा कांग्रेस, हिजोको एमाले, माओवादी सबैले लिनुपर्ने र बदल्ने काम पनि सबैले लिनुपर्नैमा जोड दिनुभयो । यसको सम्बन्धमा अहिले जे जति भएको छ त्यसबाट सम्भव नभएको बताउनुभयो ।
सांसद थापाले एकपछि अर्को स्थानीय सरकारको अधिकार खोस्ने काम भएको असन्तुष्टि जनाउनुभयो । गुणस्तर भनेको अंग्रेजी भन्ने मात्र बुझेको भन्दै उहाँले मन्त्रालयको बजेटमा प्रश्न उठाउनुभयो । ४०० विद्यालयलाई दिने भनेको एक मुष्ट अनुदान दुई वर्षदेखि खर्च हुन नसकेको भन्दै उहाँले यो वर्ष के गर्नुहुन्छ भन्दै प्रश्न गर्नुभयो ।
