२१ चैत, महोत्तरी ।
प्रदेश २ मा माध्यमिक शिक्षा परीक्षा (एसईई)परीक्षा २२ गते बिहान ८ बजेदेखि हुँदैछ ।परीक्षामा केन्द्राध्यक्ष बाहेक सबैलाई मोवाइल प्रयोगमा प्रतिबन्ध लगाउने निर्णय गरिएको छ ।
परीक्षालाई व्यवस्थित, मर्यादित र शान्तिपूर्ण बनाउन भन्दै केन्द्राध्यक्ष बाहेक अरुलाई मोवाइल प्रयोग गर्न नदिने निर्णय गरिएको शिक्षा विकास निर्देशनालय, प्रदेश २ का निर्देशक रमाकान्त शर्माले जानकारी दिए ।
बिहीबार बिहान बसेको बैठकले परीक्षामा खटिने सहायक केन्द्राध्यक्ष, निरीक्षक र सहयोगीको मोवाइल अफ गरी केन्द्राध्यक्षको नियन्त्रणमा राख्ने निर्णय गरिएको निर्देशक शर्माले बताए ।अनुगमनका क्रममा मोवाइलको दुरुपयोग भएको पाइएकोले यस्तो निर्णय गरिएको उनको भनाइ छ ।
साथै बैठकले केही केन्द्रमा परीक्षा हलमा बस्ने निरीक्षकले परीक्षा मर्यादा विपरीतका कार्य रोक्न प्रयास नगरेको निश्कर्षसहित दक्ष शिक्षकलाई मात्र निरीक्षक बनाउने निर्णय गरेको छ ।
केन्द्राध्यक्षले सहायक केन्द्राध्यक्ष, निरीक्षक र सहयोगी कर्मचारीको रुपमा नियुक्त गरिएका शिक्षक तथा कर्मचारीको नाम, विद्यालयको नाम, तह, ठेगानासमेतको बिबरण बनाइ परीक्षा अनुगमन गर्न पुगेका अनुगमनकर्ताले हेर्न चाहेमा देखाउन सक्ने गरी राख्न पनि बैठकले निर्देशन दिएको छ ।
यसैबीच, एसईई परीक्षाकाेप्रश्नपत्र लिक गराएको आरोपमा पक्राउ परेका ६ जनालाई सप्तरी प्रहरीले बिहीबार नै पत्रकार सम्मेलन गरेर सार्वजनिक गरेको छ । पक्राउ गर्नेमा सिरहाको इलाका प्रहरी कार्यालय, कल्याणपुरमा कार्यरत् जवान ब्रम्हदेव सुनरैत र दिपेन्द्रकुमार मण्डल पनि छन् ।
क्रममा प्रदेश दुईमा बाहिरिएको विज्ञान र सामाजिक विषयको प्रश्नपत्र सुरक्षार्थ खटिएका प्रहरी जवानले चाबी चोरेर निकालेको खुलेको छ ।
