काठमाडौं, ९ साउन ।
प्रधानमन्त्री केपी शर्मा ओलीले लुम्बिनी बौद्ध विश्वविद्यालयलाई अध्ययनको मात्र नभई अनुसन्धानको केन्द्र बनाउन निर्देशन दिनुभएको छ ।
लुम्बिनी बौद्ध विश्वविद्यालयको दशौं सभा बैठकको काठमाडौमा उद्घाटन गर्दै उहाले अबको विश्वविद्यालय अनुसन्धान र अन्वेषणको प्रमुख केन्द्र बन्नु पर्नेमा जोड दिनुभएको छ ।
अहिलेको आवश्यकता सैद्धान्तिकभन्दा ब्यवहारिक शिक्षा भएको भन्दै उहाले ब्यवहारिक शिक्षामा जोड दिनुपर्ने बताउनु भएको छ । शिक्षा क्षेत्रलाई राजनीतिबाट मुक्त गर्नु पर्ने पनि उहाको भनाइ थियो ।
कार्यक्रममा विश्वविद्यालयका सहकुलपति शिक्षा मन्त्री गिरीराजमणी पोखरेलले शिक्षा क्षेत्रलाई वैज्ञानिकीकरण गर्दै लैजाने नीति सरकारले अवलम्बन गरेको बताउनु भएको छ ।
उहाले शिक्षाबाट कसैलाई बञ्चित हुन नदिन सरकारले बालबालिका भर्ना अभियान तीब्र बनाएको पनि बताउनु भएको छ ।
